Danimarka "dëbon" 70 fëmijë në Siri, reagon “Save the Children”: E ardhmja e tyre është e kërcënuar

Të paktën 70 fëmijë rrezikojnë të rikthehen në Siri nga qeveria daneze dhe kjo ka marrë menjëherë vëmendjen e “Save the Children”, duke i bërë thirrje Danimarkës që të mos bëjë këtë veprim, pasi ky veprim do i rrezikojë jetën.

Lajmi është bërë nga “Save the Children”, ku në një deklaratë tha se kjo situatë është shqetësuese. Përfaqësuesja e kësaj oganizate për Lindjes së Mesme dhe Afrikën e Veriut Anne Margrethe Rasmussen në një deklaratë tha se situata në vendin e tyre nuk është në gjendje për tu kujdesur për ta.

 “Fëmijët, nuk kanë përgjegjësi për konfliktin në Siri, ata janë viktima të një krize të krijuar nga të rriturit. Shumë prej tyre nuk kanë njohur kurrë një Siri paqësore, e cila është zhytur në konflikt për më shumë se dhjetë vite tani”, tha ajo.