Alarm për bombë pak para ndeshjes Itali-Zvicër, policia rrethon zonën dhe nis kontrollet

Italia në panik! Kur kanë mbetur më pak se dy orë nga nisja e ndeshjes Itali-Zvicër, një alarm për bombë ka ngritur në këmbë të gjithë policinë e Romës.

Alarmi është dhënë vetëm pak minuta më parë, në sheshin “Mazzini”, shumë pranë stadiumit ‘Olimpico’, ku dhe pritet të luhet ndeshja mbrëmjen e sotme.

Policia ka dalë në terren dhe po kryhen kontrolle, siç edhe shihet në foton e publikuar nga Gazzeta.it.

Ndeshja pritet të fillojë në orën 21:00, ku Italia do të përballet me Zvicrën. Për momentin qarkullimi në këtë zonë është ndaluar.