Zbatohet kërkesa e Edi Ramës, Drejtorët e Bashkisë së Durrësit dorëzojnë dorëheqjet te Emiriana Sako

Drejtorët e Bashkisë së Durrësit kanë dorëzuar ditën e sotme dorëheqjet nga pozicionet e tyre.

Ky veprim vjen pas kërkesës së kryeministrit Edi Rama, i cili vizitoi bashkinë e Emiriana Sakos dy ditë më parë duke i kërkuar që çdokush që është pjesë e strukturave drejtuese të institucionit dhe nuk ka përmbushur detyrën, të dorëzojë dorëheqjen.

Përveç drejtorëve të Bashkisë së Durrësit, dorëheqjen kanë dorëzuar dhe ata të Fierit e Vlorës. Kryeministri Edi Rama ka vizituar bashkitë pas një nisme kombëtare të ndërmarrë për lirimin e hapësirave publike të zëna në formë të paligjshme nga pronarët dhe të vëna në përdorim për përfitimin në biznesin e tyre.

Gjithashtu kryeministri është shprehur se strukturat drejtuese vendose kanë nevojë për një reformim rrënjësor, ndërsa i ka bërë thirrje të rinjve për të kandiduar tashmë në pozicionet vakante në 3 bashkitë, Vlorë, Fier e Durrës.