Zbardhet dëshmia e Eris Mehmetaj: Makina është e imja, por nuk kam lidhje me vrasjen e Renato Hoxhajt

Aktualitet

Zbardhet dëshmia e Eris Mehmetaj: Makina është e imja, por nuk

Është zbardhur dëshmia e Eris Mehmetajt, i cili u arrestua dy ditë më parë në Tiranë, në lidhje me vrasjen e 58-vjeçarit Renato Hoxhaj, i cili u ekzekutua mëngjesin e së dielës në lagjen “Hajro Çakërri” të Vlorës.

37-vjeçari ka mohuar që të ketë lidhje me ekzekutimin e Renato Hoxhajt, edhe pse ka pranuar se automjeti me të cilin ka lëvizur vrasësi është në pronësi të tij.

Në dëshminë e dhënë para grupit hetimor, Eris Mehmetaj ka thënë se makina e filmuar nga kamerat e sigurisë është e njëjta me atë që ai ka në pronësi, por ka shtuar se mjetin ia kishte lënë në përdorim një miku të tij pasi ia kishte kërkuar.

Sipas Mehmetajt, ai nuk e di se për çfarë është përdorur makina e tij. Por emri i “mikut” të 37-vjeçarit mbetet ende jo publik dhe po verifikohet nga hetuesit.

Ditën e sotme, Gjykata e Vlorës ka caktuar masën e sigurisë “Arrest me burg” ndaj tij, teksa akuzohet për përkrahje të autorit të krimit dhe sigurim të kushteve për te kryer vrasjen e Renato Hoxhajt.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion