Vrasja në Elbasan, Arbër Paplekaj u vetëdorëzua me makinë të vjedhur nën kërcënimin e armës

Autori i dyshuar i vrasjes së Pjerin Xhuvanit në Elbasan, pas krimit ka grabitur makinën e një qytetari për të mbërritur në Tiranë, ku edhe u vetëdorëzua te komandanti i forcave Renea.

Mësohet se Arbër Paplekaj e ka grabitur automjetin nën kërcënimin e armës, ndërsa në këtë foto duket, kur ka dalë nga furgoni i PD-së.

Ngjarja e rëndë ku mbeti i vrarë ish-kryetar i LSI-së në Elbasan, ish-zyrtar dhe së fundmi simpatizant aktiv i Partisë Socialiste në degën e Elbasanit, ka tronditur qytetin.

Në këtë ngjarje u plagosën 4 persona, mes tyre edhe një efektive e policie e forcave Shqiponja, ndërsa rrethanat e kësaj ngjarjeje mbeten ende të paqarta./a2 cnn