Vjedhje me thyerje në zyrat e qarkut Vlorë, një person merr disa dokumente

Zyrat e këshillit të qarkut të Vlorës kanë rënë pre e vjedhjes mbrëmjen e djeshme. Policia bën me dije se një person, ende i pa identifikuar, ka marrë disa dokumente.

Ngjarja u regjistrua rreth orës 23:30, ndërsa nuk dihet ende se çfarë dokumentesh janë vjedhur. Grupi  hetimor vijon punën për zbardhjen e plotë të ngjarjes dhe identifikimin dhe kapjen e autorit.

"Më datë 11.10.2021, rreth orës 23:30, tek Pallati i Kulturës, Vlorë, dyshohet se një shtetas ende i paidentifikuar, ka vjedhur me thyerje në zyrat e qarkut, ku ka marrë disa dokumente. Grupi  hetimor vijon punën për zbardhjen e plotë të ngjarjes dhe fiksimin e çdo prove materiale që do të çojë në identifikimin dhe kapjen e autorit", njofton policia.