U shkarkua nga Kuvendi, vjen reagimi i Ilir Metës

TIRANË- Me nota të thella ironie dhe shumë shkurt, Ilir Meta ka reaguar pas shkarkimit të tij nga Kuvendi me 104 vota pro. Ai ka zgjedhur që të shpërndajë një pjesë të gafës së bërë nga deputeti Selami Jenishehri i cili tha sot në seancë se “koalicioni i tij do iu dalë zot, nipërve dhe mbesave tona pensionist, të cilët iu është mohuar e drejta e votimit”. Meta me ironi ka uruar një pasdite të qetë “me këtë shprehje frymëzuese”, siç ai e quan gafën e Jenishehri.

Të dashur miq, ju uroj një pasdite të qetë, relaksuese dhe të qeshur duke ju përshëndetur të gjithëve me këtë thënie frymëzuese!

Por çfarë tha në Kuvend Selami Jenishehri? Deputeti teksa foli për vjedhjen e zgjedhjeve, bëri një gafë dhe tha se koalicioni i tij do iu dalë zot, nipërve dhe mbesave tona pensionist, të cilët iu është mohuar e drejta e votimit

“Koalicion ynë, i drejtuar nga deputeti Kujtim Gjuzi, i është drejtuar Komisionit të Zgjedhjeve për mos të pasur pasoja të tilla për vjedhjet dhe është anashkaluar. Nuk është dhënë përgjigje. Ne do ta çojmë në Gjykatë Kushtetuese. Do iu dalim zot, nipërve dhe mbesave tona pensionist, të cilët iu është mohuar e drejta e votimit. Emigrantët nuk mund t’i blihet votat”, tha Jenishehri.