Tragjedia në Durrës/ Humbi jetën me partnerin, flet familja e të resë italiane: Jemi të shkatërruar, presim trupin e saj

Aktualitet

Tragjedia në Durrës/ Humbi jetën me partnerin, flet familja e

Është kryer në Tiranë autopsia e trupit të Sara Brugnatellit, 26-vjeçares italiane nga Zocco, një lagje e Erbuscos, e cila humbi jetën në një aksident tragjik rrugor në Durrës.

Në aksident humbën jetën edhe partneri i saj, Kleo Vrioni, 25 vjeç, i cili drejtonte automjetin, si dhe një 15-vjeçar. Familja e të resë tashmë pret kthimin e trupit në Itali, ndërsa sipas familjarëve, riatdhesimi mund të bëhet javën e ardhshme, por ende nuk ka një datë të përcaktuar.

Familja e Sarës, ndërkohë, po përballet me dhimbjen dhe pritjen për kthimin e saj në Itali. Sipas kushërirës së 26-vjeçares, babai i saj është “i shkatërruar”, ndërsa familjarët po përpiqen ta mbajnë larg informacioneve të rënda për shkak të gjendjes së tij të brishtë.

Komuniteti i Zoccos dhe miqtë e Sarës janë mbledhur rreth familjes, duke kujtuar të renë si një vajzë të hareshme dhe bujare. “Ishte si një motër për mua. Një humbje jashtëzakonisht e madhe”, është shprehur kushërira e saj.

 

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion