Surpiza e zgjedhjeve për Çim Pekën ka qenë Julia Ilirjani! Gazetari: Çfarë klasi, nuk kam parë grua më të dinjitetshme

Aktualitet

Surpiza e zgjedhjeve për Çim Pekën ka qenë Julia Ilirjani!

Zgjedhjet e 11 Majit përfunduan, forca politike që do të drejtojë vendin për 4 vite u vendos, deputetët u caktuan, disa “festojnë” e disa të tjerë qahen dhe akuzojnë, ndërkohë që kandidatja e PD-së, Julia Ilirjani ka pranuar rezultatin në qetësi duke mos bërë asnjë koment pozitiv apo negativ për këtë proces.

Ky detaj i ka bërë përshtypje edhe gazetarit Çim Peka, i cili nuk ka nguruar që të ndajë publikisht opinionin dhe konsideratën e lartë për aktoren.

Në llogarinë e tij në “Instagram”, Peka ka postuar një foto të Julias krah së cilës shkruan se me sa dinjitet dhe klas e përballoi këtë proces zgjedhor. Ai thekson se aktorja në këtë garë ishte e vetme, pa mbështetje, por sërish ndërmori vendimin për të kandiduar dhe për të shprehur publikisht qëndrimin e saj.

“Nuk e kam pasur asnjëherë në studio, e kam parë vetëm nga rrjetet dhe ekrane. Por, supriza e këtyre zgjedhjeve për mua është kjo zonjë. Asnjë përkrahje, e vetme, e bindur që nuk kishte shance, hyri në një garë krejt të pabarabartë vetëm për të bërë publike bindjet e saj. Asnjë fjalë zemërimi pas zgjedhjeve, asnjë ankesë, asnjë pendese, thjeshtë bio. Nuk kam parë grua më të dinjitetshme në këto zgjedhje dhe post/ zgjedhje në qëndrime se sa kjo zonjë! Çfarë klasi!”, shkruan Peka.

Ndërkohë që kujtojmë se Julia Ilirjani kandidoi nën logon e PD-ASHM në qarkun e Tiranës ku dhe arriti të merrte vetëm 391 vota.

Surpiza e zgjedhjeve për Çim Pekën ka qenë Julia Ilirjani!

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion