Sot Kuvendi mblidhet në seancë plenare, çfarë pritet të diskutohet/ Axhenda

Politikë

Sot Kuvendi mblidhet në seancë plenare, çfarë pritet

Kryetarja e Kuvendit të Shqipërisë, Elisa Spiropali, ka urdhëruar mbledhjen e seancës plenare të parlamentit për ditën e sotme në orën 10:00.

Rendi i ditës përfshin diskutimin dhe miratimin e një sërë projektligjesh dhe akteve normative që prekin fusha të ndryshme, nga ratifikimi i marrëveshjeve ndërkombëtare deri te ndryshimet ligjore për buxhetin dhe dokumentacionin personal.

Por përtej pikave të parashikuara në rendin e ditës së punimeve të sotme, përfaqësuesit e Opozitës në Kuvend pritet të rikthejnë në vëmendje problematikat e hasura në zgjedhjet parlamentare të 11 majit, ku akuzon mazhorancën për grabitje të votave të shqiptarëve përmes bandave kriminale.

Pikat kryesore të rendit të ditës janë:

-Miratimi i procesverbalit të seancës së mëparshme, datë 29 maj 2025.

-Ratifikimi i marrëveshjes mbi të drejtën detare sipas Konventës së Kombeve të Bashkuara për ruajtjen dhe përdorimin e diversitetit biologjik detar jashtë juridiksionit kombëtar.

-Miratimi i ndryshimeve në ligjin e buxhetit të vitit 2025.

-Shtesë në ligjin për pajisjen me pasaportë të shtetasve shqiptarë.

-Shtesë në ligjin për letërnjoftimin elektronik.

-Ratifikimi i marrëveshjes së bashkëpunimit për sigurinë ndërmjet Shqipërisë dhe Ukrainës.

-Aderimi në Konventën për Themelimin e Zyrës Evropiane të Komunikacioneve (ECO).

-Ratifikimi i marrëveshjes së huas me Fondin për Zhvillim të Abu Dhabi-t.

-Marrëveshja për pjesëmarrjen në programin e Bashkimit Evropian “Doganat”.

-Ratifikimi i marrëveshjes së garancisë me BERZH për projektin e OSHEE-së.

-Ratifikimi i marrëveshjeve të financimit me Komisionin Evropian për programet shumëvjeçare në fushën e punësimit, ekonomisë digjitale dhe energjisë për periudhën 2024-2027.

-Diskutime për çështje jashtë rendit të ditës.

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion