Qarkullimi do ndalojë në orën 22:00, sot hy në fuqi vendimi i fundit për lehtësimin e masave

Ditën e sotme hy në fuqi vendimi i lehtësimit të masave anti-Covid. Sipas vendimit të marrë, ora policore është deri më 22:00, pra deri në këtë orar baret, restorantet dhe biznese të tjera, do jenë të hapura, ndërsa ndalim qarkullimi do të jetë në fuqi nga ora 22:00-06:00.

U bë me dije se janë hapur fluturimet me Britaninë e Madhe dhe sipas Ministrisë së Shëndetësisë, këto masa të vendosura do të jenë për 2 javë, përfshirë edhe në zgjedhjet e 25-prillit.