Punonte si roje në një gurore, gjendet i pajetë një 60-vjeçar. Ja çfarë dyshohet

Një 60-vjeçar është gjetur i pajetë në fshatin Pashkashesh, Ibë, në guroren ku ai punonte si roje. Policia bën me dije se viktima është identifikuar si shtetasi me iniciale H.L., dhe dhyshohet se ka humbur jetën për shkaqe natyrale.

Informacion paraprak

Më datë 27.01.2025, rreth orës 08:25, në fshatin Pashkashesh, Ibë,  në guroren e shtetasit B. A, është konstatuar pa shenja jete shtetasi H. L, rreth 60 vjeç, i punësuar si roje private në këtë gurore. Paraprakisht, dyshohet se 60 vjeçari ka humbur jetën për shkaqe natyrale.

Materialet procedurale i kaluan Prokurorisë, për veprime të mëtejshme.