Plagosja në Koplik/ Identifikohen dy të rinjtë e sherrit me armë në Malësi të Madhe  

Është identifikuar autori në Koplik, ku pas një sherri me Genti Dulajn për motive të dobëta, e ka plagosur 32-vjeçarin me armë zjarri.

Ky i fundit është dërguar menjëherë në spital dhe mësohet se ndodhet jashtë rrezikut për jetën, ndërsa policia i është vënë pas autorit të ngjarjes, Mirush Hasa, i cili është larguar menjëherë pas plagosjes.

Njoftimi i policisë:

Më datë 29.02.2024,  rreth orës 19:50, në Koplik, gjatë një konflikti për motive të dobëta dyshohet se shtetasi M. H., ka plagosur me armë zjarri pistoletë në këmbë shtetasin G. D., 32 vjeç, banues në Koplik. 32-vjeçari ndodhet në spital, jashtë rrezikut për jetën. Shërbimet e Policisë janë vënë në ndjekje të autorit.

Grupi hetimor nën drejtimin e Prokurorisë po punon për sqarimin e rrethanave të ngjarjes.