Përshtati lokalin për lojëra fati, arrestohet 25-vjeçari në Korçë

Një lokal në lagjen nr. 16 të qytetit të Korçës është zbuluar si pikë e ushtrimit të lojërave të fatit në kundërshtim me ligjin.

Pronari i ambientit, një 25-vjeçar me inicialet E. J., është arrestuar në flagrancë, ndërsa në lokalin që kishte në përdorim u gjetën pajisje elektronike të përdorura për vendosjen e basteve sportive, disa bileta si dhe një shumë parash e dyshuar se është përfituar nga kjo veprimtari.

Materialet procedurale janë referuar Prokurorisë së Korçës për vijimin e hetimeve.