Përplas të moshuarën në Durrës, shoferi largohet nga vendi i ngjarjes, policia i vihet nga pas

Një aksident i rëndë ka ndodhur këtë pasdite në lagjen nr.11 në Durrës, rreth orës 19:45, ku një makinë ka përplasur një 70-vjeçare dhe është larguar nga vendi i ngjarjes. 

E moshuara, ndodhet në spital nën kujdesin e mjekëve ndërsa policia ka bllokuar mjetin dhe po vijon punën për kapjen e shoferit dhe zbardhjen e rrethanave të aksidentit.

Durrës/Informacion paraprak

Më datë 15.06.2021, në orën 19:45, në lagjen nr.11 Durrës, një mjet ka përplasur dhe është larguar nga vendngjarja, një shtetase këmbësore rreth 70 vjeçe, e cila ndodhet nën kujdesin e mjekëve.

Shërbimet e Policisë menjëherë kanë bërë të mundur identifikimin dhe bllokimin e mjetit të dyshuar si dhe identifikimin e autorit dhe vijon puna për kapjen e tij.

Grupi hetimor po vijon punën për zbardhjen e rrethanave të aksidentit.