"Për ty kush nuk vjedh, fle gjumë", Basha nuk ia përton Ramës: T'i zunë shokët e shoqet me mollë e dardha

“E di, për ty, kush nuk vjedh, fle gjumë”.

Kështu i është përgjigjur Lulzim Basha, ironisë së bërë nga kryeministri Edi Rama pas lajmit për vdekjen e supozuar të kreut të Demokratëve Euroatlantikë.

Basha nuk ka lënë pa i përmendur Ramës ish-deputetin socialist Ergys Çyrbjan, i cili ndodhet pas hekurave për lidhjet e errëta me krimin apo aferën e shumëpërfolur me ish-kreun e CIA-s, Charles McGonigal, që po ashtu ndodhet i burgosur.

“Nuk kam nga ato halle, që ty ta kanë vrarë gjumin, me shokë e shoqe, që t’i zunë me mollë e dardhë, "pas shpine", me çyrbet e kapura duke blerë vota krimi për ty, apo “mikun” tënd McGonigal, që sot është në burg, i paguar, për të sajuar poshtërsi ndaj meje,” shkruan Basha në reagim.

Ishte Rama, i pari i cili “ngacmoi” me nota ironie dhe sarkazme kundërshtarin e tij politik.

 “Mos e prish gjumin për kaq gjë, ty të marrin të keqen,” shkroi Rama shoqëruar me një zemër, teksa postoi reagimin e Bashës për lajm e rremë.