Një ditë para zgjedhjeve, Korça bëhet gati. 505 punonjës policie në terren për të siguruar mbarëvajtjen e procesit

KORÇË

Të paktën 505 punonjës policie të Drejtorisë së Policisë së Korçës, do të jenë të angazhuar gjatë ditës së nesërme përgjatë gjithë procesit zgjedhor.

Punonjësit e policisë kanë filluar që prej ditës së sotme shërbimin dhe do vijojnë pa ndalim, deri në përfundim të procesit të votimit dhe dorëzimit të kutive në KZAZ e qarkut.

Do të jenë pikërisht punonjësit e policisë ata që do të verifikojnë dhe monitorojnë në bazë të listave të Shëndetit Publik, personat e prekur nga COVID, për të mos i lejuar këta të fundit të votojnë të dielën e 25 prillit.