Nisin aplikimet për në Universitet, 6 ditë kohë për të zgjedhur 10 preferenca

Aktualitet

Nisin aplikimet për në Universitet, 6 ditë kohë për

Nga data 29 gusht deri në 3 shtator maturantët do të kenë mundësi  të zgjedhin një degë në universitet. Procedura do të jenë të njëjta si vitet e tjera, ku përmes portalit UAlbania të rinjtë do të aplikojnë për  10 preferenca.Të rinjë veç preferencave janë fokusuar edhe te tregu i punës në mënyrë që të kenë një të ardhme të sigurt.

Maturantët do të kenë mundësi të plotësojnë formularin për aplikim në universitet nga data 29 korrik deri në 3 gusht.

Në 6 ditë përmes portalit UAlbania të rinjtë mund të zgjedhin 10 preferenca për studimet e larta.

Ky është viti i dytë që maturantët hasin vështirësi për shkak të pandemisë, jo vetëm gjatë vitit mësimor, por edhe gjatë provimeve.

Xhuljano Pole thotë se provimi i gjuhës shqipe dhe matematikës kanë qenë të vështira dhe te ai ka patur një ndikim te notat.

"Na ka ulur mesataren, pikët për konkurrim".

I riu nuk ka zgjedhur të aplikojë që ditën e parë, për shkak të fluksit megjithëse e ka vendosur tashmë se cilat degë do të zgjedhë.

Pasioni dhe tregu i punës e drejtojnë të ekonomia dhe teknologjia.

"Kam zgjedhur Informatikë Ekonomike. Kohën e fundit teknologjia ka zhvillim shumë të madh dhe ndikim te të gjithë ne."

Por për t`ju ardhur në ndihmë maturantëve është ndërtuar edhe një sistem që duke llogaritur mesataren u afishon atyre degët ku kanë më shumë shanse për të fituar universitetin.

Ndërsa për ata që nuk arritën të kalonin në një nga provimet e maturës sezoni i vjeshtës do të nisë në 24 gusht kur do të mbahet provimi i gjuhës së huaj, në 27 ai i gjuhës shqipe, ndërkohë që matematika do të mbahet në 31 gusht dhe në fund do të jetë ai me zgjedhje në 3 shtator. Në anën tjetër aplikimet për në universitete do të jenë të hapura edhe për 2 raunde të tjera.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion