Me dokumente false për t’i shpëtuar prangave/ Kapet në aeroportin e Rinasit i kërkuari i rrezikshëm nga Kukësi

Aktualitet

Me dokumente false për t’i shpëtuar prangave/ Kapet në

Një 32-vjeçar i shpallur në kërkim ndërkombëtar nga autoritetet e Kosovës është kapur në Rinas, me qëllim ekstradimin e tij. Policia bën me dije se A. Sh., banues në Kukës, akuzohet për veprimtari kriminale në fushën e narkotikëve.

Në momentin e ndalimit, ai është prezantuar me një identitet tjetër, në përpjekje për të shmangur identifikimin dhe arrestimin.


Kapja e tij u bë në kuadër të operacionit të koduar “Wanted”, nga Forca e Posaçme “Shqiponja”, në bashkëpunim me Interpol Tiranën.

DVP Tiranë

Vijon operacioni i koduar “Wanted”, për kapjen e shtetasve në kërkim ndërkombëtar.

Akuzohet në Kosovë, për veprimtari kriminale në fushën e narkotikëve, kapet dhe arrestohet me qëllim ekstradimin, 32-vjeçari.

Në momentin e ndalimit nga  shërbimet e Policisë, ky shtetas është prezantuar me identitet tjetër, për të shmangur identifikimin dhe arrestimin e tij.

Shërbimet e Forcës së Posaçme “Shqiponja”, bazuar në informacionet e marra në rrugë operative për kapjen e shtetasve në kërkim dhe i shkëmbimit të informacionit me Interpol Tiranën, kanë lokalizuar dhe kapur në Rinas, shtetasin A. Sh., 32 vjeç, banues në Kukës.

Ky shtetas ishte shpallur në kërkim ndërkombëtar, pasi Gjykata Themelore e Prishtinës, Kosovë, ka lëshuar urdhër-arresti ndaj tij, për veprën penale “Blerja, posedimi, shpërndarja dhe shitja e paautorizuar e narkotikëve”.

Interpol Tirana, në bashkëpunim me autoritetet kosovare, do të kryejë procedurat për ekstradimin e 32-vjeçarit, në Kosovë.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion