Mbyllet orari i votimit në 5 bashki, gazetari Osman Stafa: Për numërimin e votave do të përdoret dhe Inteligjenca Artificiale

Ora 18:00 njofton mbylljen zyrtare të procesit të votimit në 5 bashkitë e vendit, ndërsa në qendrat e votimit vijojnë të ketë ende qytetarë që presin të votojnë.

Nga raportimet e fundit të gazetarëve të Neës24, mësohet se qarku i Vlorës shënon shifrën më të ulët të pjesëmarrjes, 12.37% në raport me bashkitë e tjera.

Sipas gazetarit Osman Stafa, pas orës 18:00 të gjitha qendrat e votimit do t’i drejtohen KZAZ-ve për të numëruar votat.

“Inteligjenca artificiale do të numërojë fletët e votimit dhe do të shihet nëse do të rakordohen nga grupet e numërimit. Nëse nuk do të ketë asnjë lloj gabimi do të jetë opsion për inteligjencën artificiale”, tha gazetari Osman Stafa.

Votimi elektronik nuk u aplikua në këto zgjedhje, shkak mendohet se është mungesa e buxhetit.