Mbi 765 mijë vaksinime të kryera që prej fillimit të fushatës, Manastirliu: Nuk ndalemi

Që nga fillimi i fushatës, janë kryer 765,643 vaksinime kundër koronavirusit.

“Vijojmë pa u ndalur drejt objektivit 1 milion vaksinime brenda qershorit”, kështu shprehet ministrja e Shëndetësisë Ogerta Manastirliu, nëpërmjet një postimi në rrjetin social “Facebook”.

“765 643 vaksinime të kryera që prej fillimit të fushatës “Shqipëria Buzëqesh”,  vijojmë pa u ndalur drejt objektivit 1 milion vaksinime brenda qershorit”, shkruan Manastirliu.

Gjithashtu ministrja e Shëndetësisë, ka publikuar fotografi të momenteve të vaksinimit të operatorëve turistikë në Vlorës.