Lufta kundër COVID-19, BE: Shqipërisë i kemi dhuruar 4.2 milionë euro pajisje mjekësore

Delegacioni i BE-së në Tiranë thekson se që nga fillimi i pandemisë COVID-19, Shqipërisë i ka ofruar pajisje për të luftuar sëmundjen me vlerë 4.2 milionë Euro.

“Pajisje mjekësore të specializuara për parandalimin dhe trajtimin e Covid19 me një shumë totale prej 4.2 milionë Euro i janë dhuruar Shqipërisë që nga fillimi i pandemisë” thuhet në postimin e delegacionit të BE-së në Facebook.

 Ndërkohë në Shqipëri vazhdon edhe procesi i vaksinimit në kuadër të luftës kundër Covid-19. 

Prej fillimit të vaksinimit janë kryer në total 504,386 doza të vaksinës anticovid, prej të cilave 403,066 vaksinime janë kryer për personat mbi 60 vjeç.

Procesi i vaksinimit po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin.