Kur do të dalin rezultatet e zgjedhjeve në pesë bashkitë? Përgjigjet Celibashi: Procesi mund të përfundojë deri...

Gjatë konferencës për mediat, kreu i KQZ-së, Ilirjan Celibashi, u pyet se kur do të dalin zgjedhjet në pesë bashkitë.

Ai tha se procesi i numërimit të votave pritet të përfundojë mesditën e së hënës.

Gazetarja: Ka një parashikim KQZ se kur del rezultati zyrtar për pesë bashkitë?

Celibashi: Qartazi varet nga pjesëmarrja, por nëse do jetë pak a shumë ajo e vitit 2023, do ta përfundojmë procesin e numërimit në mesin e ditës së hënë.