Gjendet i vdekur 71-vjeçari në Mirditë, dyshohet se është vetëvrarë me armë gjahu

Një ngjarje e rëndë ka ndodhur në Mirditë në orët e para të mëngjesit të sotëm. Policia lokale ka lajmëruar se rreth orës 04:25 dyshohet se një 71-vjeçar ka vrarë veten me armë gjahu. Shkaqet nuk dihen.

“Mirditë/Informacion paraprak

Më datë 14.06.2021,rreth orës 04:25,  në fshatin Rreth i Epërm,Mirditë, në  banesën e tij dyshohet së është vetëvrarë me armë gjahu shtetasi M.N.,71  vjeç. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes”, njofton policia.