E mashtroi dhe më pas i mori makinën, procedohet penalisht 21-vjeçarja në Tiranë

Specialistët për Hetimin e Krimeve të Komisariatit të Policisë Nr. 2, referuan materialet në Prokurori për shtetasen B. M., 21 vjeçe, pasi dyshohet se, nëpërmjet mashtrimit, i ka marrë një automjet shtetasit A. B., të cilin dyshohet se e ka dëmtuar dhe nuk ia ka kthyer.

Njoftimi i policisë:

Specialistët për Hetimin e Narkotikëve arrestuan shtetasen I. K., 34 vjeçe, pasi gjatë kontrollit fizik, shërbimet e Komisariatit të Policisë Nr. 4 i gjetën dhe sekuestruan një sasi lënde të dyshuar narkotike kokainë.

Specialistët për Hetimin e Krimeve të Komisariatit të Policisë Nr. 1 arrestuan shtetasin M. P., 39 vjeç, pasi dyshohet se ka vjedhur një shumë parash në subjektin në administrim nga shtetasi E. L.

Specialistët për Hetimin e Krimeve të Komisariatit të Policisë Nr. 2:

referuan materialet në Prokurori për shtetasin L. H., 31 vjeç, pasi dyshohet se ka kanosur një shtetas;
referuan materialet në Prokurori për shtetasen B. M., 21 vjeçe, pasi dyshohet se, nëpërmjet mashtrimit, i ka marrë një automjet shtetasit A. B., të cilin dyshohet se e ka dëmtuar dhe nuk ia ka kthyer;
referuan materialet në Prokurori për 2 shtetas të mitur, pasi gjatë një konflikti për motive të dobëta kanë goditur me sende të forta dy shtetas.
Specialistët për Hetimin e Krimeve të Komisariatit të Policisë Nr. 6 referuan materialet në Prokurori për shtetasit:

V. C., pasi dyshohet se ka kanosur shtetasin S. R., si dhe ka goditur me shuplakë djalin e tij të mitur;
V. K. dhe S. R., pasi pas një konflikti për motive të dobëta janë konfliktuar fizikisht me njëra-tjetrën;
I. M., pasi u konstatua në posedim të lëndëve piroteknike.
Specialistët e Qarkullimit Rrugor arrestuan shtetasit:

D. D., 43 vjeç, pasi, duke drejtuar automjetin në gjendje të dehur, është përplasur me automjetin me drejtues F. A., duke shkaktuar vetëm dëme materiale;
M. T., 57 vjeç, pasi u kap duke drejtuar automjetin në gjendje të dehur;
Xh. H., 27 vjeç, pasi me automjetin që drejtonte ka përplasur këmbësoren L. D., 66 vjeçe, e cila ndodhet në spital, nën kujdesin e mjekëve;
G. H., 27 vjeç, pasi u konstatua duke drejtuar automjetin në gjendje të dehur.
Më datë 27.12.2025, është paraqitur për mjekim në spital një shtetase 51 vjeçe, e cila dyshohet se, në gjendje të rënduar psikologjike, është vetëhedhur nga lartësia e banesës së saj. Aktualisht, ajo ndodhet në spital, nën kujdesin e mjekëve.

Më datë 28.12.2025, një shtetas 62 vjeç, në banesë, ka tentuar të vetëdëmtohet me mjet prerës, i cili mori ndihmë mjekësore në spital.

Më datë 29.12.2025, shtetasi L. B. kallëzoi se është goditur me grushte nga një shtetas ende i paidentifikuar. Punohet për identifikimin dhe kapjen e autorit.

Materialet procedurale iu referuan Prokurorisë së Tiranës për veprime të mëtejshme.