E FUNDIT/ Shpërthim me tritol në Shkodër, detajet e para

Një sasi lënde shpërthyese është vendosur në pjesën e jashtme të një garazhi në Shkodër.

Policia thotë se garazhi është në pronësi të një 52-vjeçari, ndërsa nuk raportohet për persona të lënduar si pasojë e shpërthimit.

Autoritetet po punojnë për identifikimin dhe kapjen e autorit.

Shkodër/Informacion paraprak

Në lagjen ‘’10 Korriku’’, në rrugën e ‘’Karahases’’, në orët e para të mëngjesit, në pjesën e jashtme të garazhit(te dera), në pronësi të shtetasit A. U., 52 vjeç, dyshohet se është hedhur një sasi e vogël lëndë plasëse, duke shkaktuar vetëm dëme të vogla materiale.

Grupi hetimor ndodhet në vendngjarje dhe vijon punën për zbardhjen e rrethanave të ngjarjes si dhe identifikimin dhe kapjen e autorit/ve.