Digjet kurora me pisha në kalanë e Beratit, dyshohet për zjarrvënie të qëllimshme

Shqipëria nuk po gjen qetësi nga zjarret, së fundmi një vatër është aktivizuar në kalanë e Beratit. Flakët kanë përfshirë kurorën me pisha, disa metra poshtë tabes së kalasë.

Forcat zjarrëfikëse shkuan menjëherë në zonë duke vendosur nën kontroll zjarrin dhe duke parandaluar përhapjen e tij.

Fatmirësisht, flakët nuk kanë shkaktuar dëme të mëdha për shkak të ndërhyrjes së forcave zjarrëfikëse.

Sipas Neës24, dyshohet për një zjarrëvënie të qëllimshme teksa autoritetet po punojnë për zbardhjen e plotë të shkaqeve të ngjarjes.