Digjet gjatë natës makina në Sarandë, merr flakë dhe mjeti ngjitur, ndërhyjnë zjarrfikësit

SARANDË
Dy mjete janë djegur gjatë natës në Sarandë. Ngjarja ka ndodhur në Lagjen nr.3, Sarandë. Një mjet ka marrë flakë në parkim dhe nga flakët është djegur pjesërish dhe një mjet tjetër.

Ndërhyrja e zjarrfikësve bëri të mundur shuarjen e zjarrit. Të dyja automjetet kanë qenë të banorëve të pallatit aty pranë, emrat e të cilëve ende nuk bëhen të ditur.
Po punohet për të zbardhur shkaqet e zjarrit, ndërsa nuk dihet nëse ka qenë zjarri aksidental apo i qëllimshëm.