Bëri thirrje për armatosje, policia kallëzon Xhelal Mziun në prokurori

Xhelal Mziu dergohet ne prokurori me akuzen e thirrjeve per armatosje.

Pas deklarates se tij te djeshme se "kush prek voten do ta pesoje si ai i Elbasanit", duke iu referuar vrasjes se Pjerin Xhuvanit, policia ka referuar ne prokurori dosjen ndaj Xhelal Mziut.

Njoftimi i policise:

Nga Oficerët e Policisë Gjyqësore në Drejtorinë Vendore të Policisë Dibër ka filluar procedimi penal dhe materialet hetimore janë referuar në Prokurorinë e Rrethit Gjyqësor Dibër, për veprën penale "Thirrjet për armatosje ose marrje të padrejtë të komandës", në ngarkim të shtetasit XH.M, kandidat për deputet i subjektit politik Partia Demokratike në qarkun Dibër.

Kjo pasi gjatë një takimi elektoral në territorin e bashkisë Dibër, shtetasi XH.M, ka kërcënuar dhe ka bërë thirrrje për të nxitur dhunë duke bërë prezenet ngritjen e grupeve të gatshme me pretendimin e mbrojtjes së votës.

Policia e Shtetit thekson edhe njëherë faktin se asnjë subjekt politik, organizatë apo individ nuk ka të drejtë të krijojë struktura paralele duke marrë atributet e Policisë së Shtetit dhe për këtë do të ushtrojë kontrolle të imtësishme në territor duke kërkuar edhe bashkëpunimin e qytetarëve me qëllim evidentimin dhe ndëshkimin ligjor të këtyre strukturave të paligjshme që kryjnë veprime duke cënuar ligjin dhe të drejtat e liritë themelore të qytetarëve.