Akuzohet se kreu marrëdhënie intime me vajzën e mitur, arrestohet i riu

Një person është vënë në prangat e policisë së Vlorës, i akuzuar se ka kryer marrëdhënie seksuale me një vajzë të mitur.

Hetimet për rastin nisën pas kallëzimit të së ëmës së të miturës.

“Specialistët për Hetimin e Krimeve të Komisariatit të Policisë Vlorë vunë në pranga shtetasin A. M., 27 vjeç, banues në Fier, pasi ka kallëzuar një shtetase se 27-vjeçari ka kryer marrëdhënie seksuale me vajzën e saj, 12 vjeçe”, njoftoi policia.

Vijojnë veprimet për verifikimin e këtij kallëzimi, ndërsa materialet procedurale i kaluan prokurorisë kompetente për veprime të mëtejshme, shtuan të njëjtat burime.