Aksident me pasojë vdekjen në Sarandë, identifikohet viktima dhe shoferi 45-vjeçar

Një aksident me pasojë vdekjen ka ndodhur mesditën e sotme në Sarandë, ku për pasojë ka humbur jetën një 35-vjeçar. Mësohet se viktimë ka mbetur i riu Marsel Kasi, nga Gjirokastra i cili ka humbur kontrollin e mjetit dhe është përplasur me automjetin e shtetasit Taulant Bita.

Pas ngjarjes, shoferi 45-vjeçar është shoqëruar për veprime të mëtejshme procedurale.

Njoftimi i policis ë:

Sarandë/Informacion paraprak

Sot, rreth orës 14:30, në rrugën “Skënderbeu”, Gjashtë, shtetasi M. K., rreth 35 vjeç, duke drejtuar motomjetin, ka humbur kontrollin mbi drejtimin e tij dhe si pasojë është përplasur me automjeti tip “Ford” me drejtues shtetasin T. B., 45 vjeç. Si pasojë e aksidentit ka ndërruar jetë drejtuesi i motomjetit shtetasi M. K.

Drejtuesi i automjetit tip “Ford” shtetasi T. B., është shoqëruar për veprime të mëtejshme procedurale.

Grupi hetimor po punon për përcaktimin e shkakut të aksidentit.