Drogë në makinë dhe 15 kg në banesë, pranga 2 shqiptarëve në Itali

Policia italiane ka arrestuar dy shtetas shqiptarë, pasi u kapën me drogë. Mediat italiane shkruajnë se policia në Padova gjeti në makinën e shtetasve të arrestuar gjysmë kg drogë, për të shkuar më pas në banesën e tyre, ku u gjetën 15 kile të tjera.

Sipas mediave, shtetasit shqiptarë e kishin bërë gati drogën për ta shitur, por ishte pikërisht sjellja e tyre që i çoi drejt rrënimit. Identiteti i të arrestuarve nuk është bërë me dije.