Gjendet pa shenja jete gruaja pranë fshatit Kuç / Dyshohet se u mbyt në lumin Devoll

Një 85-vjeçare është gjetur pa shenja jete në lumin Devoll, pranë fshatit Kuç.

E moshuara ishte larguar nga banesa mëngjesin e sotëm, ndërsa dyshohet se është mbytur në lumë.

Nga këqyrja paraprake e trupit nuk janë konstatuar shenja dhune, ndërsa grupi hetimor po punon për zbardhjen e plotë të rrethanave dhe përcaktimin e shkakut të vdekjes.

Njoftimi i policisë:

Devoll/Informacion paraprak

Rreth orës 14:00, në lumin Devoll, pranë fshatit Kuç, është gjetur pa shenja jete shtetasja F. M., rreth 85 vjeçe, e cila vuante nga probleme të shëndetit mendor.

Nga këqyrja paraprake e trupit nuk janë konstatuar shenja dhune. Paraprakisht dyshohet se është mbytur në lumë.

85-vjeçarja ishte larguar nga banesa mëngjesin e sotëm.

Grupi hetimor po punon për përcaktimin e shkakut të humbjes së jetës dhe për zbardhjen e rrethanave të rastit.