I zunë pritë Ramës në Manëz dhe qëlluan me vezë eskortën/ Në pranga dy persona, procedohen tetë të tjerë (EMRAT)

Policia e Durrësit ka vënë në pranga dy shtetasit, aktivistin Edison Lika 28 vjeç, dhe 37 vjeçarin Albi Dema, banues në Tiranë, për veprën penale “Goditje për shkak të detyrës” si dhe janë proceduar në gjendje të lirë tetë të tjerë dhe një qytetar nga Fieri, në sajë të tensioneve të krijuara dje në aksin rrugor Maminas–Gjiri i Lalzit.

Burime nga grupi hetimor bëjën me dije se këta shtetas, më datë 14.11.2026, rreth orës 10:00, në fshatin Kameras, në aksin rrugor Maminas–Gjiri i Lalzit, kanë tentuar të bllokojnë rrugën dhe kanë hedhur vezë dhe sende të forta në drejtim të automjeteve të personaliteteve të larta shtetërore, përfshirë këtu dhe të kryeministrit Rama.

Si pasojë janë vënë në pranga dyshja Edison Lika dhe Albi Dema, si dhe janë proceduar penalisht tetë të tjerë, mes tyre pesë femra: E. P., 33 vjeçe, D. G., 50 vjeç, O. D., 34 vjeç, M. C., 28 vjeçe, L. A., 24 vjeçe, I. R., 31 vjeç, N. S., 23 vjeçe, J. S., 25 vjeçe, të tetë banues në Tiranë, dhe I. Ll., 27 vjeç, banues në Fier, për veprën penale “Prishja e qetësisë publike”.

Njoftimi i Policisë:

Specialistët për Hetimin e Krimeve në Komisariatin e Policisë Durrës arrestuan në flagrancë shtetasit:

E. L., 28 vjeç, dhe A. D., 37 vjeç, të dy banues në Tiranë, për veprën penale “Goditje për shkak të detyrës”.

Gjithashtu, proceduan penalisht në gjendje të lirë shtetasit:

E. P., 33 vjeçe, D. G., 50 vjeç, O. D., 34 vjeç, M. C., 28 vjeçe, L. A., 24 vjeçe, I. R., 31 vjeç, N. S., 23 vjeçe, J. S., 25 vjeçe, të tetë banues në Tiranë, si dhe I. Ll., 27 vjeç, banues në Fier, për veprën penale “Prishja e qetësisë publike”.

Këta shtetas, më datë 14.11.2026, rreth orës 10:00, në fshatin Kameras, në aksin rrugor Maminas–Gjiri i Lalzit, kanë tentuar të bllokojnë rrugën dhe kanë hedhur vezë dhe sende të forta në drejtim të automjeteve të personaliteteve të larta shtetërore.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.