Sulmet kibernetike godasin supermarketet në Evropë, Italia: Ndikimi te ne është i kufizuar

Një seri defektesh dhe bllokimesh teknologjike po prek me dhjetëra supermarkete në disa vende të Evropës. Në mënyrë të veçantë, po shtohen sulmet kibernetike që synojnë sistemet e ftohjes dhe frigoriferët në këto objekte.

Episodet, të cilat janë raportuar edhe në Itali, duket se janë të lidhura me njëra-tjetrën dhe përsërisin të njëjtën skemë të përdorur në Francë më 12 tetor.

Sipas mediave atje, Policia Postale italiane ka nisur hetimet për të zbardhur sulmet kibernetike në territorin e vendit. Lidhur me këtë situatë, në “Palazzo Chigi” është zhvilluar një mbledhje urgjente me Përfaqësuesin e Këshillit të Ministrave, Alfredo Mantovano, dhe Ministrin e Bujqësisë, Francesco Lollobrigida, ku morën pjesë edhe Drejtori i Agjencisë Kombëtare të Sigurisë Kibernetike (ACN) si dhe drejtuesit e agjencive të inteligjencës.