Morata dështoi në ndeshjen kundër Suedisë, reagon trajneri i Spanjës

Sport

Morata dështoi në ndeshjen kundër Suedisë, reagon trajneri i

Dje vërshuan sulmet kundër Alvaro Moratës, pasi sipas tifozëve ai humbi disa raste ideale në barazimin me Suedinë. Për këtë çështje, trajneri i Spanjës, Luis Enrique, i ka ardhur në mbrojtje sulmuesit.

Enrique u shpreh i lumtur me lojën e ekipit të tij në përgjithësi dhe beson se mund të përballet me kritikat. I pyetur për fishkëllimat e tifozëve kundër Moratas ai tha: “Mendoj se ndaj lojtarëve pati dy reagime të ndryshme, por unë dua të përqendrohem në reagimin mbështetës.

Dua të përpiqem t’i përmirësoj lojtarët e mi dhe t’i mbroj ata. Këtë tentoj ta bëj gjithmonë. Por natyrisht jam më i lumtur kur i shoh tifozët duke e brohoritur emrin e lojtarëve. Mendoj se Alvaro bëri lojë shumë të mirë. Natyrisht se të gjithë ne duam t’i shfrytëzojmë rastet pro edhe të tjerët kishin mundësi shënimi”, tha ai.

ME TE LEXUARAT