“Copa America”, Brazil “masakron” Perunë, Neymar shkëlqen

Në Amerikën e Jugut po zhvillohet kampionati. Ditën e djeshme është zhvilluar ndeshja Brazil- Peru që u mbyll me fitoren e brazilianëve, 4 me 0. Mbrojtësi juventin, Alex Sandro, në pjesën e parë hapi rezultatin, duke nënshkruar golin e tij të parë në ekipin kombëtar.

Dyfishimi nënshkruhet në pjesën e dytë nga Neymar, të cilit disa minuta më parë i ishte anuluar një penallti nga VAR (kontakt shumë i lehtë me Tapia). Everton Ribeiro shënon golin e tretë për Brazilin, shërbyer nga Emerson, pastaj Richarlison mbyll llogaritë më vonë.