Një kg banane 45 dollarë! Koreja e Veriut përballet me mungesë ushqimi

Koreja e Veriut po përballet me një krizë ushqimore, për shkak të përmbytjeve dhe situatës së pandemisë.

Sipas një raporti, vendi komunist mund të përballet me mungesë të ushqimit deri në 1.35 milion tonë.

Duke iu drejtuar një takimi të udhëheqësve të lartë, udhëheqësi i Koresë së Veriut Kim Jong-un deklaroi se situata e ushqimit për njerëzit tani po tensionohet.

Ai tha se sektori i bujqësisë kishte dështuar të përmbushte objektivat e tij të grurit për shkak të tajfuneve vitin e kaluar, i cili shkaktoi përmbytje.

Ka raporte që çmimet e ushqimeve kanë pësuar rritje. NK Neës raporton se një kilogram banane kushton 45 dollarë.

Koreja e Veriut ka mbyllur kufijtë e saj për të frenuar përhapjen e Covid-19, dhe për pasojë i rezultat, tregtia me Kinën ka rënë ndjeshëm.

Vendi komunist gjithashtu po lufton nën sanksionet ndërkombëtare, të vendosura për shkak të programeve të saj bërthamore.