Victoria Beckham merr dhuratën nga Justin Bieber: Më mirë vdes se vesh këto (Foto)

Victoria Beckham, ikonë e modës, ka “ofenduar” së fundmi Justin Bieber dhe dhuratën e tij. Vetë ish- ylli i Spice Girls ka publikuar dhuratën e marrë nga kanadaze, Crocsa, të njohura gjerësisht  si “këpucët e shëmtuara”.

“Shumë njerëz më kanë pyetur se çfarë do të vesh pas karantinës. Çfarë mendoni për këtë sugjerimin e Justin Bieber?” pyeti ajo ndjekësit në Instagram, ndërsa më vonë postoi: “mendoj që më mirë do të vdisja sesa t’i vishja, por faleminderit gjithsesi Justin Bieber.”

Sandalet me çmim marramendëse që nuk janë as plastikë dhe as gomë, janë të preferuarat e Justin Bieber, dhe për këtë arsye ia dhuroi dhe Victorias.