‘Përfundon në shtator’, Rama në kantierin e rindërtimit në Fushë-Krujë

Kreu i qeverisë Edi Rama, i shoqëruar nga ministri për Rindërtimin Arben Ahmetaj ka qenë ditën e sotme i pranishëm duke inspektuar nga afër procesin e rindërtimit në Fushë-Krujë. Në lagjen ‘Rilindja’, shtëpitë individuale dhe apartamentet po marrin formë dhe në vjeshtë do të jenë gati.

Ahmetaj tha se në shtator i gjithë kantieri i rindërtimit do të jetë i mbyllur.

‘Kryeministër këtu jemi në Fushë-Krujë në kantierin e Fushë-Krujës ku kemi mbi 150 apartamente. Shtëpitë individuale janë pothuajse të mbaruara. Deri në shtator i gjithë kantieri i ndërtimit është mbyllur.’- tha Ahmetaj

Nuk munguan edhe shakatë e kryeministrit me punëtorët, ku njëri prej tyre tha se kolegët e tij janë demokratë të flaktë.

Punëtori: Janë demokratë të çmendur të gjithë.

Rama: Mbaji se mos na hidhen.