Romeo flet për problemin familjar: Më dukej sikur po më plaste zemra, s’merrja dot frymë

Banorët e BBV3 ditën e djeshme janë mbledhur në living ku kanë diskutuar rreth ankthit dhe depresionit.

Ata kanë treguar historitë e tyre personale dhe se si ia kanë dalë që të hedhin mbrapa krahëve eksperiencat e tyre jo të mira. Romeo tregoi historinë e tij personale dhe si është ndjerë në momentet kur ka pasur ankth për herë të parë.

“Unë kam patur një situatë në jetën time, kam qenë më i ri, tek 19-20 vjeç, kalova një periudhë të vështirë, le të themi familjare, s’dua ta them arsyen, dhe unë 3-4 muaj kam qenë kështu, nuk ngjisja dot dy shkallë se më dukej sikur do më plaste zemra.

Më dukej sikur nuk merrja dot frymë ndërkohë që frymë merrja e kupton”, u shpreh Romeo.