Agjentët e FBI futen në banesën e aktorit amerikan, nën hetim pasi mori pjesë në trazirat e Kapitolit

Aktori Siaka Massaquoi është në gjurmët e FBI, pasi mori pjesë në trazirat e Kapitolit 6 muaj më parë. Mësohet nga mediat ndërkombëtare se FBI ka ushtruar kontroll javën e kaluar në banesën e tij.

Sipas mediave, më shumë se 20 agjentë të armatosur hynë në orët e para të mëngjesit të së premtes në banesën e Siaka Massaquoi në veri të Hollivudit. Ende nuk dihet nëse aktori është arrestuar dhe me çfarë motivacioni u ushtruan kontrollet.

Ndërkohë që aktori, në një postim në rrjetet sociale më herët, pranoi se ishte në Kapitol më 6 janar, por mohon të ketë marrë pjesë në akte dhune.