Rama reagon ndaj akuzave të Veliajt: Akuzat, si zhurma e makinave në bulevard

Kryeminsitri Edi Rama u pyet sot në lidhje me akuzat e ngritura ndaj tij nga kryebashkiaku i Tiranës, Erion Veliaj për kërcënime. 

Gjatë konferencës me ambasadoren e Bashkimit Europian Sofia Moreira de Sousa, Rama zgjodhi të mos përgjigjej drejtpërdrejt, por i cilësoi akzuat si të parëndësishme, duke i krahasuar me zhurmat e makinave në bulevard.

"Së pari, dua të them që raporti i progresit është në radhë të parë pasqyrë e punës së Qeverisë dhe kush do të dijë se në çfarë forme është qeveria, lexon raportin dhe e ka aty dëftesën e qeverisë, që mua më gëzon sepse është shumë e qartë që Shqipëria ka bërë një progres të madh të cili shqiptarët nuk e konstatojnë dot nga ekranet dhe kanalet e dezinformomi publik. 

Qeveria është në krye të detyrës dhe vazhdon të punojë çdo ditë. Pikërisht me këtë objektiv për të cilin jemi mbledhur sot në këtë konferencë. Bashkimi i Shqipërisë me Evropën dhe mos lejmi i humbjes së këtij rasti që e kemi krijaur me hsumë vështirësi. Të tjerat janë si këto zhurmat e makinave që shkojnë e vinë në bulevard. Aq sa janë të rëndësishme këto për ne që jemi këtu, aq janë të rëndësishme për mua ato që pyetët ju."- tha Rama.  

Kryebashkiaku Erion Veliaj pretendon se ministri i Drejtësisë Toni Gogu, në takimin e të premtes vonë, i ka kërkuar në emër të Edi Ramës, dorëheqjen nga Bashkia e Tiranës dhe pranimin për përfshirje në protesta. Veliaj pretendon se është kërcënuar me shtim akuzash, nëse nuk pranon.