Protesta në Tiranë/ Marshim nga Bulevardi drejt Ministrisë së Arsimit, të tjerë të rinj iu bashkohen studentëve

Revolta në kryeqytet po merr përmasa gjithnjë e më të mëdha. Një grup masiv protestuesish që ndodhej i grumbulluar përgjatë Bulevardit “Dëshmorët e Kombit” u është nisur në marshim të organizuar drejt godinës së Ministrisë së Arsimit.

Të rinjve dhe studentëve që ndodhen të rigrupuar te Rruga e Durrësit po u bashkohet ky lumë i ri pjesëmarrësish, duke e shumëfishuar numrin e qytetarëve në shesh.

Përforcimi i turmës po shoqërohet me thirrje të fuqishme njëzëri kundër qeverisë, ndërsa forcat e policisë po marrin masa shtesë për të përforcuar kordonët e sigurisë rreth institucionit për të parandaluar përplasje të reja.