Zgjedhjet për kreun e ri të PD/ Alibeaj: Të mos manipulohen votat, proceset sovjetike kanë marrë fund

Enkelejd Alibeaj, në një prononcim për gazetarët para Kuvendit, tha se procesi për zgjedhjen e ri të kryetarit të PD-së duhet të jetë transparent dhe të mos manipulohen votat.

“Të mos manipulohen votat dhe të jetë i hapur. Simptomat e dikurshme të proceseve masovike dhe sovjektike në PD kanë marrë fund. Unë e kam bërë të ditur edhe në deklaratën time të mbarimit të mandatit si drejtues të PD në një vit e pak, dhe jam shumë serioz në të gjitha ngarkesat dhe detyrat që marr në parti.

Mund ta them me plot gojën se ka qenë shumë e sukseshme në kuptimin jo vetëm të rezultatit por të asaj çfarë ishte synimi i PD pas një viti luftë nga jashtë edhe brenda. Ishte pikërisht ky që PD të dilte gjallë jo vetëm në numra por edhe në kuptimin e koshiencës”, tha Alibeaj.