Shkarkimi i Nokës, Tritan Shehu: Në vend që të rrëzojmë Ramën, po…

Nuk ka munguar reagimi i Tritan Shehut, për shkarkimin e Flamur Nokës nga PD. Deputeti i PD për qarkun e Gjirokastrës tha se vendimi i kryedemokratit, Lulzim Basha ishte pa rregulla. Në fjalën e tij, ai tha se sjellje të tilla nuk i shkojnë PD, ndërsa thekson se partia e tij në vend që të rrëzojë kryeministrin Rama, po rrëzon themelet e tyre.

“Vazhdon cikli i ndeshkimeve te nates nga Z.Basha! Po lexoj ne media se Z.Noka qenka shkarkuar pak me pare nga detyra e tij si N.Kryetar i Komisionit te sigurise, dhe per me shume eshte paralajmeruar per perjashtim nga Grupi Parlamentar….sepse paska folur a thene dicka!!

Sikur Noka te ishte Zhukovi i BS, qe u shkarkua ne ajer nga frika se mos nxirte tanket ne Moske ne mengjez! I dyti “ndeshkim” ky, pa asnje vendim kolegjial, pa u pyetur asnje forum, as Grupi vete, i marre nga Z.Basha ne oret e vona! Fill mbas atij per Z.Berisha.

Te dyja arbitrare, pa respektuar rregullat, statutin, parimet e demokracise! Pra realisht te pa vlefeshme, nul! Ngjarje keto krejtesisht te gabuara per nje Parti Demokratike! Ngjarje keto, qe ne fakt jane krejt ne kundershtim edhe me ate qe ne duhet te bejme e te realizojme. Ne vend qe te rrezojme Ramen po “rrezojme” veten tone.

Nje element me shume ky, qe tregon sa i domosdoshem eshte Kuvendi i yne Kombetar, per te diskutuar e debatuar se bashku, per te dale nga kjo spirale kaq e rrezikeshme ndeshkimesh e perjashtimesh, qe po u la keshtu asnje nuk mund te parashikoje deri ku do shkoje e si do te perfundoje. Nje gje mund ta parashikojme, faktin se kjo metodike, keto “masa” nuk ndjellin asgje te mire per PD; demokratet, demokracine shqiptare. Prandaj sa me shpejt te shkojme ne Kongresin tone!”, shkruan Shehu në Facebook