Rezultatet në Korçë, reagon për herë të parë PD: E kemi arritur objektivin e fushatës

Teksa në Korçë ka përfunduar numërimi me fitoren e Partisë Socialiste, ka ardhur reagimi i parë nga Partia Demokratike. Kandidati për deputet i PD-së, Edmond Spaho tha se PD ka arritur objektivin në këtë qark dhe ka pasur një rritje me 20% në raport me zgjedhjet e vitit 2017.

“Ka përfunduar numërimi në qarkun e Korçës, PD ka realizuar objektivin e fushatës, ka marrë pesë mandate me një rritje prej 20% në vota në krahasim me 2017. Falënderoj qytetarët e Korçës që na mbështetën dhe falënderoj strukturat e PD me fushatën e shkëlqyer me program, duke i dhënë alternativa qytetarëve të këtij qarku”, tha ai.

Kujtojmë se PS mori në Korçë 6 mandate, PD 5, ndërsa LSI asnjë.