PD rikuperon rezultatin në Durrës, rriten tensionet jashtë KZAZ-ve

Partia Demokratike po fiton terren kundrejt Partisë Socialiste në qarkun e Durrësit.

Deri më tani në qarkun e Durrësit janë numëruar 212 qendra votimi nga 481 në total. Konkretisht në Durrës janë numëruar 64274 vota të vlefshme.

Qarku i Durrësit deri më tani po udhëhiqet nga Partia Socialiste me 33363 vota. Ndërkohë Partia Demokratike vjen më pas me 25544 vota. Në vendin e tretë deri më tani renditet partia Lëvizja Socialiste për Integrim.

Ajo që vihet re në Durrës, është rritja e numrit të votave në mënyrë të shpejtë për Partinë Demokratike. Kjo ka rritur edhe tensionet në dis KZAZ. Konkretisht në KZAZ nr.22, e vendosur tek palestra e shkollës 9-vjeçare “Marie Kaçulini” ka rinisur procesi i numërimit ndërsa jashtë kësaj KZAZ-je kishte grumbullime njerëzish.

Aty ndodhej edhe kreu i PD Durrës, Ferdinand Xhaferaj. KZAZ nr.22 ka qendrat e votimit të zonës së plazhit, Shkozetit dhe ish-Kënetës./tv abc