Numërimi i 4911 kutive, PD “pushton” veriun ndërsa PS jugun, ja qarqet që ka fituar secila parti

Ka përfunduar numërimi i 4911 kutive, nga 5119 prej tyre dhe ka dalë rezultati përfundimar për pjesën më të madhe të qarqeve.

Më herët është bërë me dije se Partia Demokratike ka marrë me shumicë votash fitoren në Shkodër, me 5 mandate, Kukësin me 2 mandate. Dibra në një diferencë të vogël votash, me 3 mandate.

Ndërkohë Partia Socialiste ka arritur të marrë qarkun e Elbasanit me 8 mandate, Korçën me 6 mandate, Korçën me 6 mandate, Gjirokastrën me 3 mandate, në Vlorë 8 të tilla, Berati i “dhuroi” 5 mandate

PD gjithashtu kryeson në Lezhë, ku deri tani rezultati 4 deputetë PD dhe 3 PS. Ndërkohë në Durrës kryeson PS me 8 mandate, e më pas PD me 6; në Tiranë PS 18, PD 15, LSI 2 dhe PSD 1, në Fier 9 PS, 6 PD dhe 1 LSI.

Rezultatet aktuale, bëjnë me dije se PS ka 74 mandate, PD 59, LSI 4 dhe PSD 3.