“Në Rrogozhinë veprojnë tri banda”, Grida Duma: Një person u shtir si anëtar i KQZ-së dhe...

Politikë

“Në Rrogozhinë veprojnë tri banda”, Grida Duma:

Një javë pas humbjes së zgjedhjeve nga PD, kandidatja fituese e kësaj partie ka denoncuar sot atë që ajo e konsideroi si krim elektoral të kryer në Rrogozhinë.

Duke folur në “Open” në TCH Duma tha se në Rrogozhinë veprojnë tre banda, dhe ditën e zgjedhjeve komisionarët demokratë janë ofenduar. Po ashtu ajo shtoi se një person që nuk ishte pjesëtar i KQZ-së ka qenë në njërën prej qendrave duke kryer krim elektoral.

“Tre orë para ose pas mbylljes së kutive ishte se PD kishte fituar. Në Rrogozhinë veprojnë tre banda, ditën e zgjedhjeve komisionerët tanë më marrin në telefon e më thonë që ka ardhur kryetari i Rrogozhinës bashkë me djalin e atij dhe po na ofendojnë. Ishte rasti që donin të votohej familjarisht, por kjo gjë nuk ishte lejuar, sipas rregullave votimi duhet të ishte pezulluar.

Unë u nisa nga Kavaja drejt Rrogozhinës. I pyes e më thonë se ka ardhur një përfaqësues i KQZ që thotë se s’ka ndodhur asgjë por le të vijohet me procesin. Unë i them që të flasë me mua dhe i kërkoj që të lutem prezantohu. Ai prezantohet si anëtar i KQZ. Më pas e fotografojnë me badge që mbante e ia çoj KQZ.

Rezultoi që ai nuk ishte fare I KQ. I bëj kallëzim në SPAK. Mendoni vetë se si e kemi mbajtur atë qendër. Dosja i ka kaluar prokurorisë së Kavajës se sipas tyre s’është konsideruar krim elektoral. I kam në foto anëtarët e e administratës së Rrogozhinës me tatuazhe e me mëngë të shkurtra”, tha Duma.

ME TE LEXUARAT